كلٍ تمنى خوتي بالتمني ..¤
يا للي تهددني على البعد 000مليت
بالطالعة والنازلة ممتحني
ما سقت أنا الخطوة على دربك وجيت
أنت الذي سقت الخطى ومْتعني
أقبلت يمي قمت أنا فيك هلَّيت
فتحت لك قلبي وذا طيب مني
أرخصت لك روحي ومالي ومديت
كفي لكفك محسنٍ فيك ضني
أسهر واشيل البيت واتجاوب البيت
على طروق الشعر نسهر نغني
قسمت لك زادي وشربي ولا بيت
حتى أشوفك بالمنام مْتهني
واليوم أشوفك يا رفيقي تماديت
كنك عليه بالصداقة تمني
مدري نسيت الطيب وإلا تناسيت
والا بدالك عاذلٍ وامتهني
يا صاحبي ما مر يوم وتهقويت
انك تفكر با لجفى والتجني
واليوم أنا ماعاد بي صبرٍ ازريت
ولاعاد ينفع معك لحظة تأني
الله كريمٍ كان عني تخليت
ما نيب ميت كان قفيت عني
غيرك ملاينٍ ولو عني أقفيت
كلٍ تمنى خوتي بالتمني
للــــــــشــــاعر:عبد الله اليـــحيــى >>ابــو عــزام>>
